وفاة الفنان شادي حبش داخل سجن طرة بعد عامين من إعتقاله

والفنان شادي قد كتب رسالة في أكتوبر 2019 حيث قال: " السجن مابيموتش بس الوحدة بتموت، أنا محتاج دعمكم عشان ماموتش، في السنتين اللي فاتو أنا حاولت أقاوم كل اللي بيحصلي لوحدي عشان أخرجلكم نفس الشخص اللي تعرفوه بس مبقتش قادر خلاص، مفهوم المقاومه في السجن إنك بتقاوم نفسك وبتحافظ عليها فيه وانسانيتك من الاثار السلبية من اللي بتشوفه وتعيشه كل يوم وأبسطها إنك تتجنن أو تموت بالبطئ، لكونك مرمي في أوضه بقالك سنتين ومانسي ومش عارف هتخرج امتي؟ أو ازاي؟

والنتيجة اني لسه في السجن وكل 45 يوم بنزل عند قاضي وبتكون نفس النتيجة " تجديد 45 يوم " من غير حتي مايبصلي أو يبص لورق القضية اللي كل اللي فيها مشيوا من 6 شهور ...

عموما أنا جلستي اللي جاية يوم الثلاثاء 19 نوفمبر محتاج لدعمكم ومحتاجكم تفكروهم إني لسه محبوس وانهم ناسييني واني لوحدي قدام كل دا واني عارف ان ليا صحاب كتير بيحبوني وخايفين يكتبوا عني أو فاكرين اني هخرج من غير دعمهم ليا ....

أنا محتاجلكم ومحتاج لدعمكم أكتر من أي وقت."

وبحسب الصحفي المصري عبد الرحمن عياش، فإن شادي توفي نتيجة مرضه في الفترة الاخيرة داخل السجن ما جعل زملائه داخل الزنزانة يستغيثون الحراس وادارة السجن لإنقاذه، لكن لم تلق لإغاثة أي إستجابة من قبل ضباط السجن.